‘Morbius’ atema Matt Smith anioktsü akok

Aenjeti/January 26 (Agencies): Taruba Marvel Universe film ‘Morbius’ nung Jared Leto den külemi shilem agidaktsütsü atema film yanglurtemi actor Matt Smith anioktsü asoshi jembiba tatemleni arudar.
Film ya Spider-Man tsükchir ‘Morbius’ indang otsü asütsü.
‘Safe House’ director Daniel Espinosa lenisüba kübok iba movie yanglutsü.
Ajisüaka, Smith nem koba shilem agütsütsüar iba osang jibo film yanglutemi metetdakja mali.
‘Lost in Space’ series yanglusang Matt Sazama aser Burk Sharpless nati film atema script zülutsüogo. Avi Arad aser Matt Tolmach na den külemi Lucas Foster-i ‘Morbius’ produce asütsü. Kasa mapang Palak Patel-i film maparentem acha-ayangtsü.
1971 küm ‘The Amazing Spider-Man #101’ atema Writer, Roy Thomas aser artist, Gil Kane nati ‘Morbius’ yanglua liasü.
Otsü ajanga angazükba agi, iba character (Morbius) ya azü tashidak aliba scientist ka, shiba taneptsü mengutetba ajanga azü ajemba vampire agi melenba indang asütsü.
Marvel Comics nung Morbius character ya khen khen dang amshia liasü aser 1992 küm ‘Morbius, the Living Vampire’, ta sür series ka yanglu koba April 1995 tashi 32-issue adoka liasü.