Morbius’ film atema Tyrese Gibson aniokogo

Metsüremi/March 06 (Agencies): Marvel indang ‘Spider-Man’ spin-off – ‘Morbius’ nung shilem ka agidaktsütsü atema actor Tyrese Gibson aniokogo. Iba film nung Jared Leto nem tongti shilem agidaktsütsü renema lir.
Arishi küm 40 tain kentener aser actor Gibson-i Jared Leto den longjema iba film nung nisung tamajung shilem agiba angutsü. Ajisüaka, tang tashibo Gibson indang character nüngja agüja mali, ta Variety osang ajanga metetdaktsü.
Taoba hopta, Gibson nem biopic tasen ka nung singer/songwriter Teddy Pendergrass shilem agidaktsütsü asoshi osang metetdakja liasü. Iba denji külemi, ‘Fast and Furious’ franchise indang instalment 9buba nunga shilem agitsü asoshi Gibson renema lir. Toaba franchise ama Gibson-i Roman Pearce shilem agiba angutsü.
Taruba superhero movie ‘Morbius’ film nung Jared Harris-i shilem agitsü atema tezüngzüktep agiba sülen Gibson aniok, ta kasa sangdong nung shia lir.
Variety osang ajanga angazükba agi, arishi küm 57 tain Jared-i ‘The Crown’ aser ‘Made Men’ nung tongti shilem agiba ajaki jangjaa lir, pai Morbius film nung shilem agitsü saka tang tashi pa indang character nüngja sangdonga mali.
Osangtem ajanga angazükba agi, taoba ita February nung Morbius film nung tongti shilem agidaktsütsü atema Matt Smith anioktsü jembia liasü, koba film yanglurtemi meimbanga lir.
Daniel Espinosa-i iba film direct asütsü aser kasa mapang Avi Arad, Matt Tolmach aser Lucas Foster nungeri produce asütsü ternemba lir.
Matt Sazama aser Burk Sharpless nati Morbius film atema script renemtsüogo.
Morbius ta nüngja agütsüba Marvel character ya ‘The Amazing Spider-Man #101’ comic nung mezüng adok aser iba sülen pa indang series temeja ka – ‘Morbius, the Living Vampire’ 1992 nungi 1995 küm tashi adoka liasü.