Morgan Freeman aniba tayimtsü Mississippi nung tsükok

Los Angeles, December 08 (Agencies): Hollywood actor mongin, Morgan Freeman aniba tayimtsü Mississipi kübok Tunica nung tsükok saka pa takümbo lendong majurui kümzük ta TheWrap osangi metetdaktsü.
Freeman aniba tayimtsü Tunica nung ajungbena anenzüktsüsa akümdang tayimtsüji tsükok saka tayimtsü anisang aser Freeman na takümbo kümzüka liasü.
“Ni ‘The Story of God’ film nung shilem agitsü atema Texas bushia aotsü tenzük. Kenü- kenübo aseni bilemba ama sentong mataloker. Aji oda, tayimtsüi ali toktsür anüngleni yimketa atutsü tenzükdang tayimtsü indang garitsüng ka poksa aser tayimtsüi timtem ajurutsü tenzük. Ajisüaka, tayimtsü anisang, Jimmy Hobson-i tayimtsüji kanga junga azüoka tayimtsüji ali nung anenzüktsü,” ta arishi küm 78 tain Freeman-ia metetdaktsü.
Paisa ashiba agi, Hobson tena takümbo lendong nungi kümzük saka tayimtsüji kanga mejungi tsüksa.
Freeman aniba tayimtsüi Mississippi kübok Clarksdale toktsür Texas kübok Houston bushia aodang lendongji ajuruba osang jangjaogo.