Morning Premier League-3 asaya osang

Kohima, May 03 (TYO): Tang tasayadak aliba Morning Premier League-3 nung Silver White telok asoshi mezüng point tanü nguogo.
Silver White teloki asaya 9buba tanü Merhulietsa Sunriser den asayaba nung goal 2-2 agütsütetba ajanga iba season nung Silver White telok asoshi mezüng point ngutet.
Asaya tenzüker minute asembuba nung Merhulietsa Sunriser telok nungi Asat-i goal ka agütsü aser Silver White telok nungi Gaynon-i minute 35buba nung iba goal kepzüktet.
Minute 68buba nung Silver White telok nungi Tesah-i goal ka agütsü. Minute 78buba nung Merhulietsa Sunriser telok nungi Chubabai goal ka agütsütet. Iba goal ya ‘handball’ ta Silver Club nungi asayartemi shiaka referee-i odang asayadaktsü. Iba mechi asaya minute ishika anentsüsa aküm. Saka referee-i tatok meshiba sülen iba asaya tembanga asaya.