‘Morning sickness’ atema mozü tasenbaji süngmok lir

Tetsürtem mashisa alidang saktsünüa shirangba koba dang ‘morning sickness’ ta ajar, iba ya süngmok achiba ajanga teyari angutsü, ta mongintemi ashi.
Tetsür ka mashisa alidang la temang agi Human Chorionic Gonadotrophin (HCG) ta ser ‘hormones’ ka adokdaktsür, aser iba hormone ajanga tetsürtem saktsünüa shirangdaktsür.
Iba hormones dak alia ‘morning sickness’ tendaktsüba tanga kulitemji tanga hormones nung temelenshi aliba, anibelem, teshinem, low blood sugar, tepok akangba, vitamin aser nutritional deficiency aser shisabulu ajangaa d to morning sickness. Royal College of Obstetricians and Gynaecologists (RCOG)-i ashiba agi, mozü mechiner tetsürtemi morning sickness atema acupuncture asütsü mesüra süngmok achitsü akok.
Ajisüaka kanga mejungi shirangba atemabo mozü achitsüla.
Mashisa mezüng itatem nung saktsünüa mamangbaji tetür aikati ajangshir, aser ibaji ajanga mezüng ita asem nung tetsür teimba ka kongshir.
BBC osang ka ajanga ashiba agi, RCOG-i tang tuyuba ya NHS watchdog NICE-i tuyuba den putepa kasa lir.
Koma anepalua achitsü : Süngmok inch ka shi tzü nung junga shitoker tema teküp intoktsüla. Iba sülen süngmokji junga ajensar tzü tatsük marok ka mesüra ana molua alidak inoktsüla, iba sülen tzüji tesadang ka rosepdang stove nungi ajungzüker minute ishika mokonga ayuba sülen ninang mojitsü spoon ka inoker ajemtsüla.
(Source : Internet)