Mosai Israel nunger asoshi Tsüngrem den jembiba ama, Pastorbai Naga nunger mapa, jakla aser yimya agi, Tsüngrem pelar asü mepelar asüngdanger

Pastor        : Oh! Tsüngrem ajak metetsang, ozü Naga lima ya tanü asüngbo yamai ajar; na pelar asü mepelar.  1. Land of festivals 2. Land of Music 3. Land of Road Show 4. Land of Revivals 5. Land for Christ 6. Land of Fasting.
Tsüngrem : Nenok ita tasen aser benjongbentsü kü nelai sempar; ni asoshi itemji timtemtsü lir, item jagi ni alaker. Joko amajok tenla teben, teronem menemtsü ni asoshi tesempatsü lir, ita tasen aser amungnü, mungdang jatepba nenok temenen aser temeshi mungdanji ni ajia melitet. Isa 1:13-14.
Pastor        : Onok Naga nunger senden aser mungdang ajak nung tongti o jembiri Naga nunger longjemtsü aser meimteptsü indang dang jembir. Ya kechi tai?
Tsüngrem : Ozüng raksar onsara nungji, nisung jenti temeim mokongmonga akümtsü. Kechiaser kini kin anema aser yimli-i yimli anem apusotsü. Mt 24:7, 12.
Pastor        : Ozü Naga nungeri mapang mapang lumia ne dang sarasademer Na pelar asü mepelar?
Tsüngrem : Kodang nenoki lumi aser mang ayim, aji ni asoshi nenoki akangakanga lumi asü? Zekaria 7:5
Pastor        : Ozü lima ya Sodom Gomorrah aser Ninevi lima dang nungibo tajungba sudi?
Tsüngrem : O bendangba anogo nung iba yimti dang nungi Sodom aser Gomora tia azuzuktsü temelaba alitsü. Ninevi nungri o bendangdak iba putu den nokdaktsü, aser iba putu alitsü, kechiaser yonai sayutsüngi nung parnoki temulung meyip. Mtt. 10:15, 12:41.
Pastor        : Naga nungeri tsürabur, kinungtsü, kinungbu, jala aser jabasotem sur küm 1.2.5.10.25 ajungdang Daily papers nung noksa adokja taoba mapang menungraba ya na pelar asü mepelar?
Tsüngrem : Nenoki taoba mapatem tebilemtet, mesüra akhidang mapa indang teshisadang. Saka tabensaba matong tashi tejakleni aotsü merangang. Isai 43:18, Ibri 6:2
Pastor        : Nagaland nung mapang, mapang lokti balalai temulung masüba agi lungkaka (agitation) aliba yagi na pelar asü mepelar.
Tsüngrem : Alima ya tamajunger ket nung agütsüogo: idakji obendanger tejak pai nembangtsür; pai mesüra shibai asütsü? Yob 9:24.
Pastor        : Manger mesangwa nung takar akümba ya na pelar asü mepelar?
Tsüngrem : Shibai koba pei meyong masü, iba agi tali kaa kümdir pa ayatai. Hab 2:6

Lilir:  Solomon, Dmp.