Moscow film festival nung ‘Sanam Teri Kasam’ sayutsü

Mumbai, December 03 (Agencies) : Actor Harshvardhan Rane-i Bollywood nung mezüngsüa shilem agiba film “Sanam Teri Kasam” Bollywood Film Festival, Moscow nung sayutsü.
Iba film bejong ayongertemi “Sanam Teri Kasam” sayunü film nung tongti shilem agisanga jaoka lir. Iba sentong ya November 30, 2016 nü nungi tenzük aser December 7, 2016 nü tembangtsü.
Moscow film benjong nung “Sanam Teri Kasam” ang masü saka Russia nungertem atema India nunger nüngtugu film tema kar sayutsü. Sentong nung sayutsü shimteta aliba film temji superstar Shah Rukh Khan-i shilem agiba film “Dilwale Dulhania Le Jayenge”, Salman Khan-i shilem agiba film “Sultan” aser National-Award anguba film “Dum Laga Ke Haisha” den ano tanga film aika lir.
“Ni South India film tem nung shilem agiba mapang, tanga tesem nung ni shingaia meteta makümtsü amai bilem. Ajisüaka ni Bollywood film (Sanam Teri Kasam) ka nungdang shilem agi nung South len aliba nüburtemi ni jangja akümdang ni kanga aoksa. Aser ni tangbo ano Russia nungeria meteta akümdang talila aoksar,” ta Harshvardhan-i ashi.
“Ni Bollywood nung mezüngsüa shilem agiba ‘Sanam Teri Kasam’ film-a ‘Dilwale Dulhaniya Le Jayenge’, ‘Sultan’ aser ‘Fan’ ama nüngutugu film tem den külemi sayubaji tesüngmangtsüka lir,” ta Rane-i shisem.
“Sanam Teri Kasam” film ya taküm küm tetenzüklen saya aser iba film nung Pakistan actress Mawra Hocane-ia shilem agia lir. Iba nüknürar film ya Radhika Rao aser Vinay Sapru nati direct asüba lir.