Mosul nung IS commander 4 tepsetogo

Baghdad, April 4 (Agencies) : Mongulbarnü Mosul, Iraq nung US-i aniba international teloki Islamic State (IS) telungpurtem aliba tesemtem nung bomb pokloktsüba mapang tongtibang IS commander pezü süogo, ta military ketdangser kati ashi.
US-i aniba international teloki Mosul anüolen tsütsü aliba al-Tanak tesem nung IS telungpur aliba tesem aika nung anüng nungi bomb pokloktsü, ta Military Intelligence-i sangdong ka ajanga ashiba osangbenertemi metetdaktsü.
Tsüngsang mopung majungba ajanga ghonda 16 anisüngzükba sülen International telok indang raradang amshiba tayimtsütem agi Mongulbarnü ano maneni bomb pokloktsü.
February 19, 2017 nüa Iraq security force temi Mosul anüolen tsütsü amak. Iba amakba ya Mosul anüdoklen nungi IS telungpur aridokba sülen hopta ana lir inyak.
IS telungpuri Mosul yimti ya 2014 küm agia liasü.