Mosul nung IS indang tepuokdak aika ngutetogo

Baghdad, January 07 (Agencies) : Honibarnü Mosul nung Iraq police-i Islamic State (IS) telungpur-i amshiba tepuokdak tesem aika nguteta lir.
General Raed Shaker Jawdat-i Al-Wadha anüdoklen district nung IS telungpurtemi amshiba tepuodak tesem aika den clinic tilaka nguteta lir, ta Federal police commander-i Efe osangbenertem dang ashi.
Brihostibarnü Security temi iba tesem maka IS telungpur dang nungi rakzüka amanglemba sülen kanga junga mita aoba mapang item tesemtem ya ngutet.
Item tepuokdang nisung rishi kangshiba aser puoka ayuba takdangtem liasü.
Clinic tila ka nungji telungpur yiruba mapang anepaludang aser yaridang amshiba mozü kidang nüngdakba osettem liasü.
Security aser telungpur telok na iba tesem anüdoklentip tsütsü nungi maneni rara liasü ajisüaka tangbo yimti tiyong nung yima aliba Tigris ayong nungi kilometre ka shi dang pilar raradar, ta Jawdat-i ashi.
Taoba hopta Iraq sepaitemi parnok den lokteper aliba Kurdish Peshmerga telok aser Shia para military tem anisemer Mosul tanaben maka liasü.
Iba yimti ya 2014 küm IS telungpuri amanglema liasü aser Iraq nung IS aliba yimtiji joko iba ya tang lir.