Mother Teresa indang azü Vatican-i bener aotsü

Lisem nung noksa yanglur Sudarsan Pattnaik-i Hokolbarnü Rourkela Steel City, Sundargarh district nung Mother Teresa indang noksa ka yangluba angur. Sangküm Roman Catholic Church-i Mother Teresa nem sainthood agütsütsü.

 Kolkata, December 19 (Agencies) : Missionaries of Charity (MoC) nungi tongtipang ketdangsertem aser Kolkata nungi Catholic Arch Diocese nungeri sangküm Vatican City-i Mother Teresa indang azü bener aotsü.

La indang azüji Mother House museum nung yua lir aser Mother Teresa indang noksa ka den la indang azüji nüngo ama agütsütsü.

Iba teshimtem telokji MoC superior-general Sister Prema lenisüba kübok asütsü aser Archbishop Thomas D’Souza adentsü.

Mother Teresa dang temeshi nisung ka jaloktsüba sentongji August 24 (la tasoba anogo) mesüra September 5 (la asüba anogo) nung agitsü.

1977 küm Mother Teresa asüba sülen nung Kolkata nung alirtemi la nem sainthood agütsüba osang metetnüa aruogo, ta Archbishop D’Souza-i osangbener dang ashi.

“Taoba Archbishop Henry D’Souza-i mapa tenzüka yutsüba sülen Mother Teresa nem sainthood agütsütsü asoshi inyakba maparen kanga kara inyak. Iba osang ya yimti nung alir ajak atema osang tajung lir. Onoki küm metsü jungnüa iba osang ataa liasü” ta D’Souza-isa ashi.