Mothers’ Day nüngtem nung dokan lapoktsü : Kohma DC

Dimapur, Monupii/May 7 (TYO): Deputy Commissioner Kohima, Gregory Thejawelie NCS-i sangdong ka ajanga, Mothers’ Day amungtsü aliba dak ajemdaker nüburtem shishilembatsü asoshi Hokolbar (08/05/20) aser Honibarnü (09/05/20) dokan ajak lapoktsü asoshi temelaba agütsüba metetdaktsüogo.
Nüburtem aser dokan kiburtem dang tashidak nungi jenboa alitsü asoshi teka metsüktsüba, mask asemtsüba aser inyaksangshi ajak tetsüngda ita inyaksangshitsü asoshi tuyuba agütsür aliba sülen tashi angaa anidaktsü metetdaktsüogo.