Moto G5, G5 Plus, MWC 2017 nung mesayadang OLX nung bo ayoker

February 25, 2017 (Agencies): Motorola indang taruba phone Moto G5 aser Moto G5 Plus na Barcelona Mobile World Congress 2017 (MWC) nung sayatsü sentong liasü, saka anogo ka lia iba phone ‘leak’ süogo.
Moto G5 OLX website nung inoka aliba nguogo, aser Brazil nungbo 32GB version phone USD $385 agi yokya liasü. OLX amshir kati iba noksa inoktsüba nung G5 handset, Motorola Turbo Charger, earphone aser instruction manual liasü.
Lenovo meyong Moto G5 aser G5 Plus, Moto Z mesüka tatempang tepulong aser fingerprint sensor tejaklen keta lir.
Moto G5 Plus nung 5.2-inch display lir, aser Moto G5 nung 5-inch screen lir. Phone anaprongla nung Full HD resolutions dena lir. Moto G5 nung 32GB storage, aser Moto G5 Plus nung 64GB ROM keta lir. Phone anaprongla nung RAM 2GB tashi dang asütsü.
Maneni handset anaprongla nung 5MP selfie camera densema lir. Moto G5 Plus nung tesülen camera 12MP, aser G5 nung 13MP ta alitsü.