Moto G5 Plus India nung March 15 nü sayatsü

New Delhi, February 28 (Agencies): Lenovo meyong Motorola indang Moto G5 Plus India nung March 15 nü sayatsü. Lenovo-i iba phone sayaba sentong atema nisung jaok tenzükogo.
Iba sentong nung Moto G5 Plus dak alaka Moto G5 sayatsü asoshi kecha shisema mali.
Kanga dang yongya aliba Moto G5 aser Moto G5 Plus alima nung mobile industry indang sentong tulutiba, Mobile World Congress 2017 (MWC) Barcelona nung akadang sayaogo.
Moto G5 nung gondha 24 tashi amshitettsüsa battery tashi 2,800 mAh lir. Maneni ‘rapid charging’ aliba ajanga tamshirtemi minute isheka charge asüba nung gondha aika amshitettsü, ta osang ka ajanga metetdaktsü.
Iba phone nung Snapdragon 430 processor, autofocus dena13 MP tesülen camera, HD resolution dena 5-inch screen lir.
Moto G5 Plus nung battery tashi 3,000 mAh lir aser Moto G5 den kasa gondha 24 amshitettsü. Ano TurboPower charger ajanga minute 15 charge asüba nung gondha 6 amshitettsü. Iba phone nung 5.2-inch screen, dual autofocus pixels densema tesülen camera 12 MP, tejaklen camera 5 MP aser Snapdragon 625 processor keta lir.