Moto G5 Plus Minute shia unit 50 ayok

March 18, 2017: Tawa sayaba ‘Lenovo’ meyong ‘Moto G5’ ayok tenzükba mezüng anogo nung iba phone ayokbaren nung otsü tasen ka yangluba ‘E-commerce’ nung tongti shilem agir ‘Flipkart’-i tanü metetdaktsü. “March 15, 2017 nü sayaba Moto G5 Plus ya Flipkart nung mezüng anogo ayokba asadangba nung minute shia unit 50 shi yokogo,” ta company ajanga metedaktsü.
India nung March 15 nü Moto G5 Plus ya sen 14,999 agi sayaa liasü. Iba phone tapu ana lir; Moto G5 Plus koba nung 3GB RAM aser 16GB internal storage keta lir iba phone ya jenjang 14,999 aser 4GB RAM aser 32GB internal storage keta aliba phone ya jenjang 16,999 alitsü. Iba phohe ya Flipkart nung angutsü.
Company ajanga Moto G5 Plus nung maongka agütsübatem rongnung exchange nung discount 1,500 aser SBI card tem nung talila shilem 10 discount agütsür. Maneni Moto Pulse 2 headset ya sen 599 agi tajemba nung agütsür.
Moto G5 Plus 3GB aser 16GB aketba phone mezüng anogo nung ayok tenzüker minute ishika tsüngda nung temadok. Flipkart indang ‘product exchange program’ kübok Motorola phone tejen 4000 dak tali G5 Plus tasenba agi melenogo. Moto G5 Plus sayaba ajanga talirtem atema jenjang kangabo mesaki anguba phone tem Flipkart ajanga agütsür.
Maneni ‘BuyBack Guarantee program’ kübok Moto G5 Plus alir ita 6 buba nung melentepnera ‘BuyBack price’ sen 7000 meyipa agütsür. Iba maongka ya Flipkart nung ‘exchange offer’ sen 13,500 den külemi March 31, 2017 tashi agütsütsü.
Iba phone shilem 50 shi, Flipkart indang sentongtem; No Cost EMI, Product Exchange aser BuyBack Guarantee amshia nüburtemi ali.