Motorola-i Moto X Style smartphone sayaogo

New Delhi, October 8 (Agencies): Lenovo meyong aser America nung handset yanglur Motorola-i Brihostibar nü sen 22,999 alang Moto X style smartphone ka sayaogo.
Iba phone tasenba nung inch 5.7, quad-HD screen keta lir koba ajanga 520 pixel aketba noksa aser video reprangtettsü aser raksarakpong nungi kümzüka asoshi Gorilla Glass 3 agi meyia lir. Phone nungsa Qualcomm 808 1.8Ghz hexacore processor aser 3GB RAM ka enokja lir.
Iba phone ya ka 16GB aser ka 32GB memory keter angutsü aser anaprongla ya 128GB tashi ulua kümtettsü.
32GB keta aliba phone ji sen 31,999 agi ayoktsü lateta lir.
Moto X style phone tejaklen 5-megapixel aser tesülen 21-megapixel camera enokja lir aser iba den külemi Motorola indang app Moto Assist, Moto Display aser Moto Voice tem keta lir.