Motorola Mobility India nung Sudhin Mathur ya Managing Director shimogo

New Delhi, March 02 : Brihostibarnü Lenovo Mobile Business Group ajanga Motorola Mobility India Pvt Limited nung Sudhin Mathur Managing Director shimogo. Lenovo MBG India nunga pa Executive Director inyaktsü.
“India nung Motorola Mobility shishilembaba anitsü asoshi kü nem maongka agütsüba atema ni kanga pelar. Taoba küm pezü tsüngda nung Lenovo Moto ya kanga junga amentetogo,” ta Sudhin Mathur-i ashi.
Küm pezü tajaklen iba mobile ya India shishilembadaki aitba mapang jenjang 31buba nung liasü, saka Mathu-i anir meranga inyakba ajanga Lenovo Moto ya India nung tanabuba jenjang nung lir.
Mathu ya Ericsson Telecommunication, India nunga tongti shilem agia liasü.