Motorola One Power India nung Rongjui 24 nü sayatsü

Rongju/September 19, 2018 (Agencies): Motorola One Power India nung yakta sayatsü. Taoba ita Berlin nung IFA 2018 amungba mapang iba device ya sayaogo aser company-i India nung iba smartphone sayatsüba anogo sangdongogo. Motorola India-i tawa tweet ka nung Motorola One Power India nung Rongjui/September 24 nü sayatsüba sangdongogo. Iba phone ya Google indang Android One programme nung amendaker yangluogo aser Snapdragon 636 SoC den Max Vision display keta aliba angutsü.
Motorola One Power sayatsüba anogo den külemi video ka dena sayaogo aser iba nung Motorola aser Google na sentepa iba device yangluba shisema lir. Android One agi tashi agütsüba phone ka ama Motorola One Power nung stock Android keter aliba angutsü aser mapangshia Android Pie dena Android update agütsütsü.
Motorola One Power Specifications:
Motorola One Power nung 6.2-inch full-HD+ LCD Max Vision display aser 19:9 aspect ratio keta lir. Iba device ya octa-core Qualcomm Snapdragon 636 SoC ajanga tashi agütsütsü aser iba den Adreno 509 GPU aser 4GB RAM densema lir. One Power nung operating system ji Android 8.1 Oreo asütsü koba Android Pie-i upgrade sütettsü. Phone nung internal storage-ji 64GB asütsü koba 256GB tashi atsülangtettsü. Iba device nung maneni USB Type-C connectivity aser 3.5mm headphone jack ka keta aliba angutsü.
Camera tsütsü iba phone nung dual camera setup kübok 16-megapixel primary aser 5-megapixel secondary sensor ka keta aliba angutsü. Tejaklen selfie atema 12-megapixel camera ka inokja lir.
Motorola One Power indang feature tajung kaji 5000 mAh battery ka keta aliba ya asütsü.
Osang ajanga ashiba agi, Motorola One Power ya sen 14,000 shi asütsü aser Mongputeni/Oct nungi angutsü.