Mount Mary College nung GST workshop ka agi

Dimapur, June 17 (TYO): June 17, 2017 nü Mount Mary College, Chumukedima nung GST (Goods and Services Tax) Workshop ka agiogo.
Iba sentong ya Department of Commerce, Mount Mary College-i ayongzük aser Department of Taxes, Nagaland nungi shisalen sayurtemji Deputy Commissioner of Taxes, Imosong Imsong, Superintendent of Taxes, Zulutemsu Longkumer aser Inspector of Taxes, Dimapur, B. Sangru Aier nunger liasü.
Iba sentong ya Social Studies dean, P. Anungla Imsong leniba nung agi, Department of Economics nungi Suyim Lkr-i sarasadem aser college IQAC coordinator, Sentinaro-i lokti pelaa agizüka liasü.
Iba Workshop nung Imosong Imsong-i, GST ya saru inyakyim temelaba aser tekaraba ka lir, aser iba ya India linük ka, market ka, jenjang ka aser saru ka aliba linük akumtsü nükjidong nung lir, ta metetdaktsü.
Zulutemsu Longkumer-i GST indang aser iba ya ajanga kaketshir aser tesayurtem nem tajangzük angutsü indang PowerPoint presentation ka agütsü.
Paisa, GST ya India rongsenkettsüng nung temelenshi adokdaktsütsür, ta ashi.
Paisa, GST ajanga osettsüset nung jenjang ajema akümtsü, melamela shishilembatettsü aser ibaji ajanga ochimashi sen ajema akümtsü, ta metetdaktsü.
Pai agütsüba presentation ji kanga junga agizüktet aser tesayur den kaketshirtemi tarutsü atema shisa kanga ngua liasü.
Mount Mary College Chairman, Dr. M. Chuba Ao-i tepela o jembia iba sentong tembanga liasü.
Iba sentong nung college nungi kaketshir aser tesayur senteper ajak agi parnok 200 shi shilem agia aden.