Mount Mary College nung Student’s Parliament sentong agi

August 17-18 anogotem nung Mount Mary College nung Student’s Parliament agiba noksa aser Mount Mary College Mr. Fresher, Chingba aser Miss Fresher, Esther nunger tangokba noksa nung angur. 

Dimapur, August 19 (TYO): Mount Mary College Department of Pol. Science-i ayongzüka August 17, 2017 nü College Hall nung Student’s Parliament sentong agi, aser Parliamentary sentong nung toktepba onükji ‘Official nüngdak ajak atema Adhaar Card amshitsüla asü mamshitsüla’ liasü.
Shilem agir kaketshirtem telok ana- sorkar party aser opposition lemsar o toktepa liasü. Iba Bill nung o sashia toktep aser voice vote agitepa iba bill anema vote agütsü. Iba sülen Mount Mary Academy Chairman, Dr. M. Chuba Ao-i speaker tajungtiba tenüng sangdonga sentong tembang.
Ano August 18, 2017 nüa Mount Mary College nung 6buba Fresher’s Day among aser iba sentong nung tongti tesemdangerji Thejavizo Nakhro (EAC, Chumukedima) liasü, aser Mr. & Miss. Fresher’s korangji Sp. Chingba aser Kr. Esther nati angu.