Mourinho, Ronaldo & Djokovic nunger nem Guinness kulikaket agütsür

London, September 04 (Agencies): Frank Lampard, Jose Mourinho, Cristiano Ronaldo, Lewis Hamilton aser Novak Djokovic nunger densema saisapongtsü sabang nung tangar dak alia takok angurtem Guinness World Records kaket nung tenüng züluoka tushiba den külemi, parnok nem Guinness kulikaketa agütsüogo.

English Premier League (EPL) champions, Chelsea telok manager, Mourinho-i EPL asayamong ka nung points 97 ngua points timba anguba; telok balala nung densema Champions League takok marok timba, 2 agizükba; Champions League asayamong asaya 100 nung shilem agir manager rong nung tanübotisang aser pei telok indang asayadak asayaba EPL asaya timba, 77 akokba densema otsü tasen 4 tashi yangluba kulikaket agizük.

Real Madrid star, Ronaldo-ia La Liga asayamong nung hat-trick 27 yangluba aser Facebook o Twitter na nung nisung timbai anidakba otsü yangluba kulikaket 2 agizükogo.

Tebur tennis asayar rong nung temaba jenjang nung alisang, Djokovic nema Australian Open takok marok timba, 5 agizüka otsü yangluba kuli kaket agütsüba osang jangjaogo.