Mouse Guard nung Idris Elba-i shilem agitsü

Metsüremi/March 23 (Agencies): BAndy Serkis aser Thomas Brodie-Sangster na den külemi ‘Mouse Guard’ film nung Idris Elba nem shilem agidaktsütsü jembidar.
Arishi küm 46 tain Idris nem Fox indang nüngtugu Boom! Studios comic film nung shilem agidaktsütsü atema tejembidak lir aser film ya Wes Ball-i direct asütsü.
Film ya tesüiba putiotsü mapang nung ajemdaker yanglutsü.
Idris-i mulungtet nungbo pai iba film nung Celanawe (Obi-Wan Kenobi) shilem agiba angutsü, ta The Hollywood Reporter ajanga metetdaktsü.
Ano külen Serkis-i nisung tamajung shilem agitsü, kasa mapang Brodie-Sangster-i tasütait Lieam shilem agitsü ternemba lir.
Taküm küm May nungi ‘Mouse Guard’ film maparen tenzüka aotsü imlar.