Movie actor Robert Loggia arishi küm 85 nung süogo

December 06, 2015: Scarface film nung drugs amshir tetsüti ama shilem agisang aser Jagged Edge film nung shilem agiba ajanga Oscar atema tenüng benoksang, film actor Frank Lopez, arishi küm 85 nung par kidang Hokolbarnü (Dec 04) süogo, ta pa kinungtsü Audrey-i metetdaktsü.
Pa Alzheimer tashidak agi shiranga liasü, ta Audrey-i TMZ.com dang ashi.
Pa taküm alidang film aika nung ozüng alema benshir ama shilem agia aru.
Loggia-i ‘Big’, ‘An Officer and a Gentleman’, ‘Prizzi’s Honor’ aser TV sentong ‘The Sopranos – as mobster Feech La Manna’ film tem nung shilem agia lir.
Mancuso FBI film nung FBI agent, Nick Mancuso ama shilem agiba sülen 1989 küm pa tenüng Emmy Award atema benoka liasü aser ano TV comedy, Malcolm nung shilem tila ka agiba atema 2000 küm kasa award asoshi tenüng benok.
Pa New York nung aso aser University of Missouri nung ‘journalism’ azüng. Iba sülen U.S. Army nung inyaka lia 1956 küm, Paul Newman-i tsüngteper Rocky Graziano ama shilem agiba, ‘Somebody Up There Likes Me’ film nung mezüng shilem agia actor aküm.
TV sentong Hart to Hart, Magnum, P.I. aser Quincy M.E tem ya Loggia-i direct asübatem lir.