Movie dang nungibo tv nung shilem agitsü tasakba: Kirsten Dunst

April 01, 2016: Arishi küm 33 actress Kirsten-i Interview with the Vampire, Bring It On, The Virgin Suicides aser tang tesüsa Midnight Special nung shilem agiba ajanga la movie nung kanga nüngtugu akum.
Ajisüak yaküm lai tv nung shilem agitsü merangdanga 2buba show- Fargo nung Peggy Blumquist shilem agi. Ibaji ajanga lai Golden Globe nomination ngua liasü, saka lai,  television series nung shilem agibaji movie nung shilem agiba dang nungi khenyongi balaka, ta ashi.
“Television nung shilem agitsü tasakba. Movie nung ang nai mapang peria angur,” ta lai tanü, April 1, 2016 nü British television show Lorraine nung shilem agidang ashi.
“Television nungbo mapang peria mangur. Ni ochishia ashir, ni shilem agia aruba rongnung iba ya tasakba liasü,” ta ashi.
Lai kanga junga shilem agiba movie tajung rongnung Marie Antoinette (2006), The Virgin Suicides (1999), Elizabethtown (2005), Eternal Sunshine of the Spotless Mind (2004) aser Mona Lisa Smile (2003) film tem lir.