MP nung tebur kati adianu ana aser kinünger ka tepset

Chhattarpur (Madhya Pradesh), October 11 (Agencies): Deobar nü Madhya Pradesh, Chhattarpur nung tebur kati ali mechi nung mangatetep adok par adianu ana aser adianu chir ka pu agi tepsetogo.
Police-i ashiba agi, Deobar anepdang züngia Pura yimtsüng nung Bhagchand Patel-i par adianu Devki alu nung mejanga lia tepset, iba sülen kidangi oa adianu Thakur Das aser aianu chir Akhilesh na mejanga lia tepset. Ajisüaka pai adianu chir kabo tepsettsü pai mokoki liasü.
“Onoki ken o ka benokogo, aser aibelensangji jenshia senzüdar,” ta police ketdangser Shahzad Khan-i ashi.