MP Police-i tetsürtem atema Mobile App ka sayaogo

Bhopal, January 6 (Agencies) : Tawa Bengaluru nung tetsürtem dak tim mesüi kongshiba tatalokba atema ashishitepba mapang ka, Madhya Pradesh police-i ‘MP e-Cop’ ta ser tetsürtem atema mobile app aser portal ka tenzüktsüogo.
“‘MP e-Cop’ nung SOS (international code signal of extreme distress) facility enoka lir aser iba ajanga tetsürtemi app nung phone number enoka alibatem dangi SMS yoktsü” ta Director General of Police (DGP), Rishi Kumar Shukla-i osangbener dang ashi.
“Tetsür anema inyakba mapatem anema ‘special action plan’ renemogo. App nung tetsürtemi SOS facility atema number 5 tashi enoka ayutsü akok. Tetsürtem kodang timtem ajurudir, idangji parnoki button nung anemtsü aser phone number pungu dangi SMS aotsü” ta Shukla-isa metetdaktsü.
Iba App ya yashi MP Chief Minister, Shivraj Singh Chouhan-i sayatsü aser iba mapang pai tetsür police tem dang tetsür anema inyakba dak sendakba ozüngtem yanglutsü tetuyuba agüja liasü.