MP S. Supongmeren Jamir-i Dimapur-Kohima BG New Line Railway Project semdang

Dimapur, Rongjui/Sept. 27 (TYO): Nagaland nungi Parliament züngsem S. Supongmeren Jamir-i September 27, 2024 nü Dimapur (Dhansari) to Kohima (Zubza) BG New Line Railway Project inyaksangshi semdanga liasü.

Iba mapang pai iba project indang contractors, DK Joint Venture LLP nungi ketdangsürtem iba mapa ketdangsüba firm AECOM ketdangsür den sensaksema liasü.

MP Supongmeren Jamir-i project mapang shidak nung renemtsü tongtipang ta ashi aser iba ya ajanga region nung tesendaktep aser rongsenketzüng tsütsü tajungba akumtsü indang shia liasü.

Ketdangsür temi iba project indang jenjang aser mapa inyakba mapang tayongzükba balala ajangshibatem lemsatepa liasü.