MP sorkari Minister Kusum Mehdele pusemer

November 02 (Agencies): Video clip ka nung Madhya Pradesh Husbandry Minister, Kusum Mehdele-i tanur ka dak metsüba noksa social media nung prokshiba sülen anogo ka lir tanü Madhya Pradesh sorkari, iba nungji ochi lir asü ta asüngdangba den külemi ibaji tai tongloktsüba lir, ta shiogo.

“Iba ama tatalokba maliasü. Ajisüaka Madhya Pradesh Chief Minister Shivraj Singh Chouhan-i minister denji jembitsü,” ta sorkar otongdar Narottam Mishra-i ashi.

Bharatiya Janata Party (BJP) state otongdar, Hitesh Vajpayee-ia, party-i minister ajurua jembiogo, ta ashi.

“Tai tongloktsübaji tai ta lai shiogo. La ya tetsür senior minister ka lir aser pai jembiba nungji amangtsü nüngdak. Iba dak alia video clip jia bushisüngdangtsü,” ta BJP state otongdari ashi.

Osang ajanga ashiba agi, yashi Madhya Pradesh foundation day amungtsü atema miister, Kusum ji Bhopal nungi kilometer 400 shi pila oor aliba Panna-i oa liasü, aser yangji lai arishi küm 14 tebur kati la dang nungi sen meshi metsüba ajanga metsüloktsü, aser iba noksaji camera nung tangoka liasü.

Kusum ya Panna constituency nungi BJP MLA lir.