MP Supongmeren-i ‘Clean and Green Nagaland’ campaign tenzüktsü

Kohima, June 5, 2025 (TYO): World Environment Day tenüng nung Lok Sabha MP, S. Supongmeren Jamir-i state ajunga atema ‘Clean and Green Nagaland’ campaign tenzüktsüogo.

Iba sentong tongtiba ya New Reserve, Kohima nung ayongzüka agi.

Supongmeren Jamir ya Nagaland Pradesh Congress Committee President lir aser pai 2025-26 atema Member of Parliament Local Area Development Scheme (MPLADS) kübok iba campaign tenzüktsüogo.

Süngdongtem atemba aser loktii shilem agiba ajanga environmental conservation ajungkettsü nükjidong nung iba campaign tenzüker.

Nagaland tarutsü atema biodiversity aser natural resources wazüka ayutsüla. ‘Clean and Green Nagaland’ campaign ajanga afforestation, waste management, aser awareness programs nung temulung agütsütsü ta MP Supongmeren-i ashi.

“Iba Green Nagaland project kübok onoki asen NGOs aser telok kar dang mepishiogo. National Highway-2 nung New Reserve junction nungi Police Petrol Pump tashi ornamental tree saplings atemtsü” ta pai ashi.

Iba mapatong kübok Congress lennirtem aser züngsemtemi district aser assembly constituency tem nung plantation aser cleanliness drives inyaktsü ta Supongmeren-isa ashi.

Iba mapatong takok ngua inyaktsü atema tongtipang tesemtem nung dust bins yutsütsü ta paisa ashi.

Iba sentong nung Kohima District Congress Committee working president Khuvishe (Atomu) menden liasü, Police Union Baptist Church Kohima pastor Rev Vesotsu Rhakho-i temoatsü meshia sarasadem aser New Reserve Panchayat Chairman Vikehiekho Kintso-i tesentepertem pelaa agizük.

Job reservation policy reprangshitsüla

Nagaland nung job reservation policy meyipa reprangtsüla aser kin ajak nem kasa maongka agütsütsüla ta S. Supongmeren Jamir-i osangbener den jembidang ashi.

“Kin pungui küm 40 tema iba policy meyipa mereprangshii arur ta shiogo. Anungji iba ya policy onük ka lir” ta pai ashi.

“Nagaland job reservation policy ajanga ajak nem kasa maongka agütsütsüla ta Congress-ibo noktaker” ta Supongmeren-i ashi.

July 21 nungi Parliament special session ka jazüka lir aser iba ya August tashi agitsü. Iba session nung tongtipang onük aika benoka jembitsü aser iba nung INDIA Bloc-i ashiba Operation Sindoor dena lir ta paisa ashi.

Opposition-i ashishitep melii aser tebilemtsü bena sorkar ketdangsüba mapa inyakdaktsünüba atema special parliament session ka alitsü takhangba agüja arur ta pai ashi.