MP tem itasen shilem 100 atutsü

New Delhi, November 04 (Agencies): 7th Pay Commission kübok itasen tera dang tutsüba anema Central mapa inyakertemi longkak aitdang kobi melii Members of Parliament tembo itasen shilem 100 atutsüa akok.
Osang angazükba agi, MP tem itasen atutsü atema PMO-i mulunga agizükogo.
BJP MP, Yogi Adityanath-i aniba Joint Committee on Salaries & Allowances of Members of Parliament-i MP tem itasen 1,90,000 agüja aliba nungi itasen 2,80,000 (itasen den constituency aser office staff allowances) tashi akümtsü benoka liasü.
2010 küm sorkari tesüsa MP itasen reprangshia liasü. PMO-ia parnok allowances tutsütsü mulungogo.
Ano Tir itasen tang lakh 1.5 agüja aliba nungi lakh 5 akümtsü akok. Iba den kasa State Angh itasen tang lakh 1.10 agüja aliba nungi lakh 2.5 akümtsüa akok.
Sorkari asükwa mongpu Parliament November 16 nungi tenzükdang Tir, Anghtem aser MP tem itasen atutsü atema bill temeja benoktsü. Ano tatong Tir aser Rajya Sabha mendenbuba itasen atutsü asoshia benoktsü akok.
Maneni MP tem constituency allowance itashia sen 45,000 aliba nungi itashia sen 90,000 akümtsü aser secretarial assistance den office allowance sen 45,000 aliba nungi sen 90,000 akümtsü.
Maneni taoba mapang MP tem pension sen itashia 20,000 aliba nungi 35,000 akümtsüa akok, aser küm pongu dak tali MP inyakertemibo pension senji pa inyakba küm agi sen 2,000 bendenloker angutsü.