MP temi parnok itasen shilem 100% atutsü benoker

New Delhi, April 29 (Agencies): Tatartemi (Member of Parliament) parnok atema itasen aser allowance shilem 100% atutsü atema benoka, parnok mapa tajung atema itasen atutsü temsüa lir, ta ashi.
Taruba Parliament senden nung iba atemaji Bill ka benoka agizüktsüa akok.
Parliamentary committee kati MP tem itasen tang Rs. 50,000 aliba nungi Rs. 1,00000 atutsüla aser allowance Rs. 45000 nungi Rs. 90000 agütsütsüla, ta benok.
Committee-i benokbaji agizükra MP tem tang Rs.1,40,000 (LAPD densema) anguba nungi 2,80,000 angutsü.
BJP MP, Yogi Adityanath leniba nung committee-isa pension shilem 75 atutsü benokba den mapang shia itasen reprangshia atutsü benok.
Hombarnü Rajya Sabha nung Naresh Agrawal (SP)-i itasen atutsü benoka, “MP tem itasen aser allowance atutsü atema telemtetba agiba Parliamentary committee kati report ka agütsü, ajisüaka ibaji media ajanga songtema ayu,” ta ashi.
Paisa, “MP mapa tajung atema itasen tutsütsü tetemsü. MP aikati iba ya aginer, saka tetsübu ajanga mejembir,” ta ashi.
Ibaji pusema Rajya Sabha nung opposition lenir, Ghulam Nabi Azad-ia, “Ni opposition nung kü medemer pusemer. Jenjang atuba ajanga ajak kongshir, iba jagi MP tema kongshir,” ta ashi.