MPC puri marathon race ayongzüker

Metsüremi 15, 2018 (TYO): Water Sanitation and Safety Organization, PHED Mokokchung den külemi Mokokchung Press Club (MPC) puri WORLD WATER Day nüngtem nung “Nature for Water” omen nung ajmdaker Metsüremi (March) 22, 2018 nü marathon race ka ayongzüka akatsü. Iba marathon race nung küm kecha tebendang makai ajaki shilem agitettsü.
Iba tetoktepba ya jenjang ana küma lemsar asayatsü: Teburtem Open Marathon race aser tetsürtem Open Marathon race, ta alitsü. Marathon tetoktepba nung takokertem nem senpet ajak agi sen lakh ka agütsütsü. Maneni iba asemtepba nung shilem aginertemi Ao milen Office, Soyim Printers aser Fitness Studio, Mokokchung nungi entry form agizüktsü asoshi asaya ayongertemi metetdaktsüogo. Form tem agütsütsüba atema tatembangbuba anogoji Metsüremi 20, 2018 asütsü aser osang tejangja agineri iba number; 8732082077 nung tongteprateptsü asoshi asaya ayongertemisa metetdaktsü.