MPSC ajanga NIC dang asüngdangtsü

Shillong, February 09 (Agencies): State nung tatidang agiba maparen dak sendakba nung ochishia inyaktsü nükjidong nung tatidang agütsüri ngutetba marks ajak sayutsü asoshi Meghalaya Public Service Commission (MPSC) ajanga National Informatics Centre (NIC) dang asüngdangtsü, ta MPSC Mendenbuba, L M Sangma-i osangbener dang ashi.
Rongdak senden ka amenba mapang iba sentong asoshi tatsü-talang ajak asadanga jembir lemtet, ta Sangma-i ashi.
Commission ajanga ochishia inyakba atema metetnüa asüngdangba mapang, “Tiazü osangtem prokshiba nungi kümzüktsü asoshi Commission ajanga ‘From the Chairman’s Desk’ nungi telangzüba agütsütsü,” ta Sangmai langzü.
Iba sentong tasenba ya NIC ajanga temelaba agütsüra, nisung shia-i tatidang nung anguba marks pei sasa reprangtettsü.