Mr Campaign Bhandari nung kaogo

Dimapur, Mongputeni/October 23 (TYO): Medical Department, Bhandari-i anir Bhandari Sub Division Block Task Force-i Measles Rubella Vaccination Campaign Day tsürapur aser kaketshirtem den külemi Mongputeni/Oct 23 nü kaogo.
Additional Deputy Commissioner Bhandari, Tiameren Chang-i DBHSS, Bhandari nung jembidang kaketshirtem dang iba campaign ajanga temang anema aliba ren nung teyari agütsüba angatettsü asoshi aser iba maongka agitsü ajungshi.
Paisa vaccine agir aliba kaketshirtem educational institutions nüngtugutem nung admission agitsü maongka agütsüba aser Vaccine Medical Cards bena alirtem tarutsü nung senzüsenpongba mapang tajangzük angutsüba indang lemsatep.
CHC, Bhandari, CMO Incharge, Dr. Chonben-i, Measles aser Rubella nungi tanur kümzüka ayutsü asoshi lenmang tajungtibaji vaccine agiba ya lir ta ashi, kechiyong item tashidak agi tonger külenbo tanur ka anepalutsü asoshi mozü balaka malitsü akok, ta shisem.
Iba sentong ya DBHSS, Vice Principal, Fr. Obed lenisüba kübok kaa liasü, ta APRO sangdong ka ajanga metetdaktsü.