Mrs.K.Achila alima nungi pilaogo

Dimapur, Nov. 24 (TYO) : November 23, 2016 anepdang 6 ako shi nung Mrs.K.Achila Tsüngrem tenzüker Rev. T.Meren Jamir (Wameken) kinungtsü lar kidang Tzüdikong Town nung iba lima nungi pilaogo. La arishi küm 66 liasü.
La taoba ita anashi tejaklen ajungbena temang mejungi aküm, Guwahati, Delhi aser Dimapur nung treatment agiba sülen temelenshi maliba agi kidangi anir aru aser tanünep süadok.
La asüpila sentep nung arogo aika nungi Tsüngrem tenzüker jenti den yimden yimsüsür aser lokti tentet jenti adenshia tetutshi tulu agüja Tzüdikong leper nung remogo.