MS Dhoni taküm otsü linük 60, screen 4,500 nung sayatsü

Mumbai, September 25 (Agencies): India linük nung cricket asayar mongin, nüngtugu Mahendra Singh Dhoni taküm otsü film ‘MS Dhoni:’The Untold Story’ alima linük 60 nung screen 4,500 nung sayatsü, ta film yanglurtemi metetdaktsü.
Fox Star Studios CEO, Vijay Singh-i sangdong ka ajanga, “‘MS Dhoni: The Untold Story’ film ya India aser alima nung sayaba tulutiba rongnung ka asütsü. Iba ya Tamil aser Telugu oshi nung dubbed asüba Hindi film (dubbed) sayaba tulutiba asütsü,” ta ashi.
Alima ajaklen iba film ya aikati yongyadar, saka Punjabi aser Marathi oshi nungbo mesayatsü, ta paisa ashi.
“India nung screen züngdangba rongnung iba movie ya teimtiba asütsü aser linük 60 nunga kasaji asütsü,” ta paisa ashi.
Neerja Pandey-i direct asüba film ya Arun Pandey-i Inspired Entertainment banner kübok  produce asü aser iba film nung Sushant Singh Rajput-i Dhoni ama shilem agir.
Iba film ya September 30, 2016 nü sayatsü.