MS NSLSA-i ‘Preventing Human Trafficking’ SA senden nung aden

Hyderabad nung ayongzükba South Asia Regional Conference ‘Preventing Human Trafficking’ nung Member Secretary NSLSA,  Wt. Mezivolu T. Therieh-i jembiba noksa nung angur.

Kohima, Rongchii/April 09 (TYO): Nagaland State Legal Services Authority nung Member Secretary, Wt. Mezivolu T. Therieh, anogo ananü South Asia Regional Conference: Amplifying Lessons from Swaraksha Caravan’ senden nung aden; iba sentong ya Prajwala-i Hyderabad nung Rongchii 7-8, 2018 anogotem nung ayongzüka liasü.
Member Secretary NSLSA-ia Nagaland nung nisung shibelenba nokdangba onük nung jembia liasü.
South Asia Regional Conference ya Dept. of Women & Child Welfare/Social Welfare, Police, Judiciary ketdangsertem aser lokti tentettem atema ayongzükba liasü.
South Asia linüktem- Bangladesh, Thailand, Nepal aser Myanmar nungia züngsem anana dena liasü.
India aser tanga linük pezü nungjagi tejaoker 150 shi shilem agia aden. Iba senden nung Department of Women & Child Welfare/Social Welfare, Police, State Legal Services aser civil society organization shia nungi züngsem kaka den South Asia linük pezü shia nungi züngsem anana dena liasü.