MSTD-i police ketdangsertem den ajurutep

Dimapur, March 25 (TYO) : Mongsenyimti Senso Telongjem, Dimapur (MSTD) ketdangsertem aser Arju ki mayim lanurtem nübu noklang dak temai tanü Honibarnü, (25/03/2017) West Police Station, Dimapur ketdangsertem den ajurutepa, March 20, 2017 ayaterm nung ozü senso tajung, asür Lanunükshi Pongen memetetba nisung kari tepseta intokba dak sendakba ken o metetpela liasü, ta Mongsenyimti Arju ki mayim mendenpurtemi sangdong ka ajanga metetdaktsü.
Police ketdangsertem den osang metetpeladang, iba ken o nüburtemi aginüba ama timi bushisüngdangdar aser tekaratiba nung aibelenertem pua arutsü lenmang sadema lir ta parnoki ashi, ta sangdong nungsa shia lir.
Mongsenyimti Arju ki mayim lanurtemi, nüngdakba lenmang ajak nung police ketdangsertem den amalitepa aser nungittepa inyaktsü mulunga lir, ta sangdong nungsa shisem lir.
Iba den külemi iba ken o dak sendakba nung ochi temeten ka mangu tashi lanurtem ayonga malitsü aser ali telung tonga ia tua bushitsü ta police ketdangsertem den ajurutepba sülen iba osangzülur den sensaksemdang mendenpurtemi ashi.