MSTM-i takok angur kaketshirtem tushi

Mokokchung, May 28 (TYO): Mopungchuket Senso Telungjem Mokokchung (MSTM) ajanga Mopungchuket nunger Mokokchung town nung alir shisaluyimer anati HSSLCE 2017 nung tematiba jenjang ajangzükteta takok anguba asoshi tetushi agütsüba sentong ka tanü agiogo. MSTM-i ayonga Mopungchuket Baptist Arogo tenzükba bilemtetba sentong aser MSTM Academic Excellence Award sentong tanü Ongpangkong Salang Arkong Ward nung reptepa agia mungogo.
Bendangwapang Ozüküm aser Yangermongla na jabaso Sangpang. Noktichung B. Ozüküm-i HSSLCE 2017 (Science) nung Top 10 jenjang alangzükteta liasü. Pai St.John HSS Dimapur nungi iba tatidang agütsü aser marks 86.80% jenjang ngutet. Pai Mathematics nung marks 82 aser Science nung marks 93 ngua liasü. Pai Astrophysicist akümtsü tejangraba lir.
Tanabuba nung, Imkongwapang Jamir aser Rongsensungla na jabaso Sangpang. Yaden Jamir-ia QMHSS Mokokchung nungi kasa HSSLCE 2017 (Science) tatidang nung marks 81.40% nguteta 1st Division nung takok anguba den külemi Ao Subject nung marks timtiba (90) nguteta liasü.
Pai MBBS azüngtsü jangrar.
Takok angur kaketshirtem nem kulizüng kaket den senpet agüja liasü.