Mt. Soputan vocano pokteta adok

Jakarta, February 7 (Agencies): North Sulawesi province, Indonesia nung Mt Soputan volcano Deobarnü pokteta adok aser iba mapang tango tatsük adokbaji anüngleni kilometre 2.5 tashi atu.
Mount Soputan ya province yimtiba, Manado nungi kilometre 60 shi pilar lir. Iba tesem nung ano tarutsü nunga volcano pokteta adoktsü ta National Disaster Management Agency nung otongdar Sutopo Purwo Nugroho-i Xinhua news agency dang ashiba metetdaktsü.
Minahasa Tenggara district nung aliba sub-district aika iba volcano mitsü aser volcano adokdang prokshiba jana agi kongshiogo.
Tanga tashi nung ano yiruba mesüra raksaba osang kecha mali.
Metre 1,874 talang, Mount Soputan ya Indonesia nung aliba tenemtem rongnung active volcano timba aliba tenem lir.
Ashiba agi Indonesia nung active volcano tajemba agi 129 lir.