MTBA-i JMC campus tesem nung sarasadem sentong agi

Dimapur, October 13 (TYO): October 10, 2017 nü Jubilee Memorial College indang campus site tasen nung sarasadem sentong ka agi.
MTBA pastor, Rev. Ponen Longchar-i anir MTBA telok kati Longkhum Village Council Members, ali kiburtem (Donors) aser Longkhum Baptist Arogo den sarasadem sentongji agi.
Iba tesemji National Highway-2 nung Alichen nungi Kohima tsütsü kilometre 7 shi pilar lir aser alia acre 200 dak tema tasazükji Longkhum yimtsüngi MTBA nem tenla agütsü.
Iba ya MTBA indang ministry nung project tulutiba lir. Arogo indang educational ministry indang alizüngji residential college den mini township ka tentettsüba indang lir, ta Ponen Longchar-i sarasadem sentong nung ashi.
Iba ya ajanga Mokokchung district dang masü saka tanga district tem ajangzüktsü, ta paisa shisem.