MTBA Mission Board-i Run Mokokchung Marathon ayonga agi

Mokokchung, Aenjeti 26 (TYO): Mokokchung Town Baptist Arogo Mission Board kübok Run Mokokchung teloki “Onward together” omen nung ajemdaker “Run Mokokchung Marathon,” ta sür asemtepba sentong ka Aenjeti 26 nü yangi Mokokchung nung ayongzüka liogo.
Iba asemtepba nung tebur takokertemji; mezüngbuba nung -Longshithung (Yimyu), tanabuba nung – Nungsangyanger (Yimyu) aser tasembuba jenjang nung Lanumoa (Alempang) liasü.
Tetsür takokertemji; mezüng jenjang nung – Sungtiyala (Dilong), tanabuba nung – Chemtila R. Sangtam (Lijaba Lijen) aser tasembuba nung – Kilemsungla (Tongdentsüyong) liasü.
Iba sentong ya tongtibangsa asemba ajanga nüburtem tsüngda telongjem adokdaktsüba den temang anema alitsü aser asemtsü ajungmesotsü nükjidong yur ayongba lir, ta tayongertemi metetdaktsü. Iba asemtepba nung nisung ajak senteper parnok 66 liasü.
Tanep MTBA Assoc. Pastor Bendangwatii ‘Flag off; sütsü. Takok angur ajak nem senpet sen den kuli kaket kaka agütsü.