MTBA Youth Department-i carol ajanga Khristmas agizük

December 06, 2015 nü Mokokchung Town nung Mokokchung Town Baptist Arogo (MTBA), Youth Department-i Khristmas tsüngküm agizüka aser Yisu Khrista asoba indang osangtajung sangdonga ‘carol’ ayonga akaba noksa nung angur. (Photo/James B)

Mokokchung, December 6 (TYO): Mokokchung Town Baptist Arogo Youth Department-i Deobar nikongdang 3:00 ako nungi tenzüka jila nung Khristmas tsüngküm pela agizüka aser Khrista asoba osangtajung proka carol senzüogo.
Iba sentong nung lanur meyirjang aika gari noklang ka den timba shi nung mener Mokokchung jila kübok tongtibang tesemtem sema senzü aser iba mapang MTBA lanur lennirtemi truck gari ka nung loud speakers, kongkitem ama bener osangtajung sangdong.
Taküm Mokokchung jila kümteter küm 125 ajungba benjungmung nüngtem nung MTBA-i taküm carol sentong balaka ayongzüka agi.
Tanü MTBA sannüker Rev Ponen Longchar-i sarasadema iba sentong tenzük aser tatem nung MTBA tenlaki jakdang telok ajak adenshia tenüngsang agütsüba sentong ka agia tembang.