MTBA Youth Dept küm 75 ajungba tenüngsang sentep alitsü

Mokokchung, June 15 (TYO): Mokokchung Town Baptist Arogo (MTBA) nung Youth Department tenzüker taküm küm neter pungu (75) ajunger. Iba nüngtem tenüngsang agütsüba sentep ka ‘Go Ye’ omen nung ajemdaker June 26, 2016 nü MTBA tenla kidang akatsü sentong renemdaki, ta osang ka ajanga metetdaktsü.
Iba sentep tarensen ana küma lemsar alitsü. Mezüngbubaji anepdang 11:00 ako nungi tenzüktsü aser tanabubaji nikongdang 3:30 ako nungi tenzüktsü. Anungji, tang aser taoba mapang youth department nung tenzükertem aser temulunger ajak iba sentong nung pela shishia jaokba kasa sangdong nungsa metetdaktsü.