MTF nüngja agi TaFMA ta melenogo

Kohima, Chiteni/July 25 (TYO): Nagaland sorkari ‘Arts’ inoksema Music Task Force (MTF) tajungba kümdaktsütsü aser ibaji ajanga tanga Arts inoksema lanurtem tejangraba ataloka National aser International sabang naprongla nung maongka aika angutsü nükjidong nung July 25, 2019 nü Nagaland sorkari Youth Resources & sports Department (YRS) kübok Music Task Force (MTF) nüngja agi Task Force For Music & Arts (TaFMA) melenogo, ta Project Director, TaFMA, Dr. Hovithal Sothu-i sangdong ka ajanga metetdaktsü.
Advisor den TaFMA (YRS)-i Nagaland Chief Minister-i lanurtemi jenjang tajungba alangzüktsü atema mangdang yur inyakba atema pa dang pelar, ta kasa sangdong nung shia lir.