MTLT-i Aoli Asentenshi nung adentsü ayongzüker

Dimapur, October 31 (TYO): Mokokchung Town Lanur Telongjem (MTLT)-i Mokokchung nung lanurtem dang Aoli Asentenshi sentong nung adentsü atema ayongzükogo.
Küm aika sülen iba ama asentenshi sentong tulu ya tangang ayonga agir, anungji Ao Baptist Arogo Mungdang (ABAM)-i ayimoktsüba ama, iba asentenshi ya taneptsü anguba mapang, temoatsü anguba mapang aser chichiba Khristan ka ka akümtsü atema asenok taküm bendanga agütsüshiba mapang ka asütsü, ta MTLT-i sangdong ka nung metetdaktsü.
MTLT-i ABAM nungita yaritsü aser iba mapa tensa tamajung ka nung asentenshi sentong ayongzükba atema kanga pelar, ta sangdong nungsa shia lir.
Anogo asemnü asentenshi sentong nung Aortem aser sentong nung adenertem dak Tsüngremi sayatenya mapa inyakang ta onoki sarasademer. Iba sentong nung Mokokchung nung aliba lanurtem ajak adentsü aser temoatsü agitsü ayongzüker. Temoatsü aliba Khristan lanur tajung ka ka ama asenoki loktiliba atema mapa inyakba nung takok tulu ngua aser jenjang temabai tua inyatettsü, ta MTLT-isa metetdaktsü.