MTLT-i Mkg nung Power Department indang office tem lapoktsü

Dimapur, August 29 (TYO): August 29, 2016 nü Secretary (Power), Government of Nagaland-i Mokokchung Deputy Commissioner ajanga tezüluba ka nung telangzüba kar agütsüba sülen MTLT-i power department indang office tem shibanga aliba lapoktsütsü telemtetba agi.
Secretary (Power)-i züluba shidi aser ano district administration aser Mokokchung power division-i mepishibatem nung ajemdaker MTLT-i August 29, 2016 nü Mokokchung nung power department indang office tem lapoktsü.
Secretary (Power)-i telangzüba agütsüba nung temulung masür, saka bangdak department-i amalitepa mapa inyaktsü ta nangzükba agi MTLT-i tangatetba tajung nung office tem lapoktsür ajisüaka bangdakpurtemi nangzükba ama mapa meinyakra MTLT-i public taginüba nung ajemdaker mapa tuluba inyaktsü, ta MTLT President, Imkummeren Jamir aser Grievances Cell, Convener Aolong Imchen nati sangdong ka nung metetdaktsü.
MTLT-i Mokokchung nung power dak sendakba atema takhangba kar agütsü aser item asoshi Secretary (Power)-i telangzüba agütsübatem tsünglanglen agütsür.
1. 2015 nung MTLT-i akhangba ama October 2015 nung 2.5 MVA nungi 5 MVA ajungketogo.
2. Aolijen nung aliba 132KV Sub Station nungi Mokokchung-i 33KV transmission line talila ka bener arutsü aser ibaji GOI aser World Bank ajanga agütsüba NERPSIP scheme kübok inyaktsü.
3. GOI/WB-i teyari agüja NE Region Power System Improvement Project (NERPSIP) kübok Mokokchung nung 10MVA 33/11KV power transformer ana amenoktsü.
4. District Coordination Committee dak sendakba nung IE Act 2003 den liromedema Department of Power-i nüngdakba mapa inyaktsü.
5. Mokokchung atema exclusive/dedicated transmission line yanglutsü asüngdangbaji kanga junger saka senotsü peria maliba ajanga meinyakteter.
6. Mecavo Power Works nem sen lakh 50 shi indang contract inyakdaktsüba indang Utilisation Certificate ji department ket nung mali aser iba asoshi CEs/Division Office nungi osang tejangja meshiogo.