MTLT-i Urban Dev. Department dang lenmangtem yanglutsü mepishir

Dimapur, October 26 (TYO) : June 10, 2014 nü Works & Housing Department-i Mokokchung jila nung circular roads 10 tashi Urban Development Department ket nung agütsüba atema Mokokchung Town Lanur Telongjem (MTLT)-i sangdong ka nung W&H Department dang pelaba metetdaktsüogo.
Iba sorkar tetuyuba ajanga Department-i UDD nem küm ana atema Mokokchung jila kübok 23370 meters (23.3 kilometers) tasazük circular roads anepalutsü atema mapa lemzüktsü, ta MTLT sangdong nung shia lir.
Sorkar tetuyuba ajanga UDD-i item circular roads anepalutsü aser tajungba küma yanglushitsü mapa nungloktsü aser küm ka tashi parnoki item lenmangtem yangluba sülen PWD (R&B) department nem meyipa agütsütsü lemzüktsü, ta MTLT tir Imkummeren Jamir aser tongti tezülur Taliakum Pongen nati sangdong nung shia lir.
Reprangdanga ao nung UDD-i Mokokchung jila nung circular roads kar yangluogo aser sector kar nung gari lenmang junga yanglutsüogo aser iba asoshi item tesem nung aliba nübortemi sorkar dang pelar. Ajisüaka, ano circular roads karbo meyanglushi lir aser ibaji atema MTLT-i khuret süa bilemer, ta sangdong nungsa metetdaktsü.
Taküm Mokokchung jila Quasquicentennial benjung amungtsü lir anungji iba dak rangloker tekaratiba nung UDD-i gari lenmangtem yanglutsüla. Iba mapatong ya 2014 nung lemzüktsü aser joko küm ka süiogo. Anungji, sorkari aser talisa Urban Development Department-i Mokokchung jila nung anünga aliba circular roads yanglushitsü takhangba agütsür, ta MTLT mendenpurtemisa metetdaktsü.
Urban Development Department-i Mokokchung jila nung yanglutsü lemzükba circular roads:
1. Improvement of circular road from Tongdentsuyong via Power house area – 2250 meters
2. Improvement of Mongsenbai circular road – 1000 meters
3. Improvement of Majakong circular road and sector connectivity – 2850 meters
4. Improvement of circular road from Sewak junction via Civil Hospital to Police Point – 1500 meters
5. Improvement of Kumlong circular road starting from Arkong ward to State Highway – 1500 meters
6. Improvement of circular road from Public ground to Kumlong road – 3750 meters
7. Imrovement of circular road from Arkong junction to Public ground – 3050 meters
8. Improvement of circular road from IOC junction to Mariani road – 2700 meters
9. Improvement of circular road from Police Point to Tongdentsuyong via Estate office – 2270 meters
10. Improvement of road from district jail (Mariani road) to DIET Yimyu – 2500 meters
(Total length is 23370 meters or 23.3 kilometers)