MTYO-i Youth Parliament atema sangdonger

Dimapur, November 09 (TYO): November 11, 2017 anepdang 10:00 ako nungi Medziphema Town Hall nung Medziphema Town nung kaketshirtem aser lanurtem atema Youth Parliament sentong agitsü, ta Medziphema Town Youth Organisation (MTYO) ketdangpurtemi sangdong ka nung metetdaktsü.
Iba sentong ayongba nükjidong ya kaketshirtem parnok tarutsü atema aser lanurtem indang scheme balala rajemdaktsütsü nükjidong nung lir, ta parnokisa metetdaktsü.
Iba dak sendakba nung MTYO-i shilem agitsüpur 10-15 shimtetttsü atema tejangrar candidate temi Ward/ Colony Youth Tirtem den tongteprateptsü mepishia metetdaktsüogo.