MTYO & Senapati FC na 16 buba NSF prequarter-i iogo

Kohima, October 02 (TYO): MT Youth Organisation (MTYO) aser Senapati Football Club nati tanü Hokolbar nü takok ngua tang tasayadak 16 buba NSF football asayamong prequarterfinal nung shilem agitsü jenjang nguogo.
Tanü mezüngbuba asaya nung MTYO teloki goal 5-0 agi Ablaze FC Kohima telok madak takok angu.
MTYO asayar, Chingshah-i tanü asaya nung goal 3 tashi agüja tan asayamong nung 10 buba hat-trick yanglur asayar aküm.
Külem asayar, Etoka aser Enos natia goal ka ka agüja tanü par MTYO telok nem takokba agütsü.
Senapati teloki tanü goal 2-1 agi Kigwema SU telok madak tanabuba asaya akok.
Tanü tanabuba asaya tenzüker minute 3 tsüngda nung aser minute 44 buba nung Immanuel-i par Senapati telok asoshi mezüngbuba aser tanabuba goal agütsü.
Shürhotlie-ia par Kigwema telok asoshi minute 59 buba nung goal 1 agüja par telok indang jenjang tajungba kümdaktsü.
Ajisüaka, par teloki tanüngba asaya mapang nung goal ka danga magütsütetba yong par Kigwema teloki tamakok ajurua liasü.

October 3 nü asaya yamai alitsü:
Nagabazar Youth Organisation vs Kimho Jr. FC Kohima @ 12:30 pm
The Quasars Club Kohima vs Headwinds FC Kohima @ 2:00 pm