MUFCN aser Elation F/C na exhibition match asaya

Mokokchung, October 25 (TYO): Kohima, Dimapur aser Mokokchung nungi Manchester United fans of Nagaland (MUFCN), October 25 nü (Deobar) Imkongmeren Sports complex nung exhibition match ka asaya liasü.
Iba exhibition match ya Mokokchung nung Manchester United sapurtemi ayong, aser Mokokchung District Football Association (MDFA)-i ketdangsüa asaya.
Iba match ya MUFCN telok aser tan MDFA nung asayar telok, Elation Football Club na tsüngda asaya aser Elation-i 4-1 agi akok.
Asaya temer külen MUFCN-i Imkongmeren Sports Complex merüktettsü aser Mokokchung nung aliba Manchester United fans temi MDFA dang iba asaya ketdang sütsüba atema aser Elation Fooball Club-i shilem tajung agiba den exhibition match nung nungita yariteper ajak dang pelaba lemsatepa liasü.
Mokokchung nung aliba Manchester United fans temi Mokokchung anasa aliba resort ka nung iba asaya live yokba ajanga football meimer aikati reprangtsü maongka ngua liasü.